Набліжаюцца Пасхальныя Святы, падчас якіх будзем перажываць і святкаваць таямніцу нашага Збаўлення. Будзем нанова ўзаемна дзяліцца радаснай праўдай, што Езус Хрыстус праз сваю смерць і уваскрасенне адчыніў нам брамы Неба. Вялікдзень – гэта свята надзеі, радасці, трыумфу жыцця над смерцю.“Бо так палюбіў Бог свет, што аддаў Сына Свайго Адзінароднага, каб кожны, хто верыць у Яго, не загінуў, але меў жыццё вечнае.” (Ян 3, 16). Уваскрасенне Езуса Хрыста дае кожнаму чалавеку надзею на вечнае жыццё ў небе.
На надыходзячыя святы жадаю ўсім жыхарам нашага горада і раёна, каб вера ва Уваскрослага Езуса Хрыста была няспыннаю моцаю і святлом на дарогах штодзённага жыцця. Няхай Езус Хрыстус, Які перамог грэх і смерць, прынясе нашым сэрцам духоўную вясну, ажывіць тое, што ў нас памерла
і напоўніць нас супакоем, любоўю і дабром. Няхай з нашых вуснаў усе навокал пачуюць вокліч радасці і надзеі: “Хрыстос уваскрос! Сапраўды ўваскрос! Аллелюя!”.
Жадаю ўсім благаслаўлёных, поўных радасці і спакою, апрамененых надзеяй свят Уваскрасення Пана!
З найлепшымі пажаданнямі
парафіяне, а. Алексій Рамановіч і а. Стэфан Пупейка
Расклад набажэнстваў у касцёле св. Антонія на Пасхальны Трыдуум:
Вялікі Чацвер – 18:00 – Святая Імша
Вялікая Пятніца – 17:30 – Крыжовы Шлях
18:00 – Набажэнства Мукі Пана
Вялікая Субота – 19:00 – Святая Імша – Пасхальная Вігілія.
Начное чуванне да 6:00
Велікодная Нядзеля – Урачыстасць Змёртвыхпаўстання Пана.
6:00 – Святая Імша
15:00 – Святая Імша
Велікодныя стравы ў нашым касцёле будзем асвячаць у суботу а 9.00, 12.00, 15.00 і ўвечары пасля Святой Імшы а 19.00 гадз.
Комментарии